Góð ráð tá tú reikar  

Tá tú brúkar tína fartelefon uttanlands, so reikar tú. Tá tú reikar, so eru aðrir kostnaðir galdandi enn teir í Føroyum. Niðanfyri eru nøkur góð ráð til tín, tá tú ert uttanlands við tínum ver-haldi.

Myndir kunnu siga meira enn túsund orð, men á netinum kosta tær eisini hareftir.

• Tað kann vera ein fyrimunur at halda seg frá síðum við nógvum myndum.
• Tú kanst seta fartelefonina til ikki at heinta myndir, tá tú reikar við henni á netinum. Sindur keðiligari, men bíligari.

Teldubrøv

• Tað kostar líka nógv at heinta teldubrøv sum annað tilfar. Ansa tí eftir, hvussu stór teldubrøvini eru, áðrenn tú tekur tey niður.

Dagføringar

• Dagføringar eru betur gjørdar á heima ella á einum WI-FI neti.

Tað er trygt at brúka data uttanlands við ver, tí tú kanst ongantíð brúka meir, enn tað tú hevur sett á haldið, sama um tú hevur datapakka ella pening til data onnur lond.

Telefonsvararin

• Telefonsvararin kann hava óneyðugan kostnað við sær. Tí er tað vert at umhugsa at sláa hann frá, meðan tú ert á ferð.

GPS'arin

• Tá tú brúkar GPS'ara, rindar tú fyri hvørt megabyte, eins og tú gert við teldu og fartelefon. Brúka tí GPS'aran við skili og hav eyguni við teljaranum á tólinum.

Læs fartelefonina

• Minst til at læsa skermin á fartelefonini, so tú hevur eina kotu, hvørjaferð tú skal brúka hana.
• Hetta verður gjørt fyri at tryggja, at fartelefonin ikki verður misbrúkt, um hon verður stolin ella burturmist.

Áðrenn tú fert á ferð við Ver (Norðurlond og Evropa)

1. Loyv Víðkað reiking, ið er serliga galdandi, um tú ferðast uttan fyri Norðurlond og/ella í Grønlandi.
2. Ferðast tú í Evropa, mæla vit til, at tú skiftir til Fría talu, tí við Fríari talu kanst tú tosa frítt í nærum øllum Evropa.
3. Tryggja tær at peningur er á ver-kontuni (hesin peningur er til at móttaka uppkall, at ringja og smsa við. Hevur tú Fría talu, so má peningur vera á til at smsa við.)
4. Vilt tú tryggja tær, at tú altíð kanst ringja er best, at tú loyvir “sjálvvirkandi áfylling” á tíni ver-kontu. Velur tú sjálvvirkandi áfylling, fært tú 10 % eyka.
5. Vilt tú reika data, mást tú keypa ein datapakka til Norðurlond og Evropa.
6. Um tað altíð skal rigga at ringja, so loyv Víðkað reiking; eisini tá tú ferðast í Norðurlondum.
7. Goym tær tær ymsu koturnar, ið skulu nýtast, um tú skjótt og lætt vilt fylla á við sms-boðum. Tú finnur yvirlitið yvir koturnar her.

Áðrenn tú fert á ferð við Ver (uttan fyri Evropa)

1. Tryggja tær, at tú hevur loyvt Víðkað reiking.
2. Tryggja tær, at peningur er á ver-kontuni (hesin peningur er til at móttaka uppkall, at ringja og smsa við).
3. Vilt tú tryggja tær, at tú altíð kanst ringja er best, um tú loyvir sjálvvirkandi áfylling á tíni ver-kontu. Velur tú sjálvvirkandi áfylling, fært tú 10 % eyka. Hetta verður gjørt undir “mítt ver”.
4. Vilt tú reika data, mást tú keypa eina peningaupphædd til data onnur lond
5. Goym tær tær ymsu koturnar, sum skulu nýtast, um tú skjótt og lætt ynskir at fylla á við sms-boðum. Tú finnur yvirlitið til koturnar her.